【如何爭取表現而不失霸氣？】
作為打工仔梗係希望老闆賞識自己，你嘅處事方式同工作態度都影響老闆對你嘅觀感！即刻醒你四大要訣啦！
1. 尊重老闆
唔做一個「擦鞋」嘅員工都唔代表要黑口黑面對住老闆，保持基本尊重都好重要。
2. 唔做「伸手黨」
遇到問題時，要預先想好兩至三個解決方案再去同老闆討論，而唔係直接交番俾老闆，問佢攞解決方法。
3. 做個值得信賴嘅員工
定時向老闆交代工作進度，表現出應有嘅責任感，而且對手頭上嘅工作盡在掌握，能隨時解答老闆嘅疑問。
4. 唔做一個抱怨嘅員工
無論工作幾辛苦，都唔應該喺老闆面前抱怨。抱怨只會令老闆覺得你負能量太多，甚至會懷疑你嘅工作能力。
#滾續達人 #少講啲無用嘅說話 #多做事 #默默耕耘型 #終有出頭天
Search